Cafodd y safleoedd adeiladu sy’n perfformio orau yn y DU eu cydnabod y mis hwn yng Ngwobrau Cenedlaethol Safleoedd 2018 y *Considerate Constructors Scheme*. Mae ennill Gwobr Genedlaethol yn gyflawniad eithriadol, gan gydnabod y safleoedd sydd wedi gwneud y cyfraniad mwyaf at wella delwedd y diwydiant adeiladu.
Mae Griffiths yn falch iawn o gyhoeddi bod pedwar o’n prosiectau wedi derbyn gwobrau.
Yn gyntaf, mynychodd aelodau o dîm prosiect Ffordd Osgoi’r Drenewydd (A483) y seremoni wobrwyo ym Manceinion, lle cawsant Wobr Efydd yn y categori ar gyfer prosiectau gwerth £50 miliwn a mwy.
Yn y seremoni yn Llundain, derbyniodd safleoedd Bath Quays Waterside a Hartcliffe Way (De Swydd Gaerloyw) Wobrau Efydd hefyd.
Enillodd Cynllun Metrobus North Fringe i Hengrove Wobr Aur yn y categori rhwng £10m a llai na £50m. Sgoriodd y prosiect 45/50 – sgôr “Eithriadol” – yn y ddau archwiliad monitro, gan gynnwys 10/10 yn y categori ‘Parchu’r Gymuned’. Roedd hyn yn arbennig o drawiadol o ystyried y lleoliad, natur aflonyddgar y gwaith a lefel y cymhlethdod technegol.
Nododd y monitrwyr fod y safle wedi dangos ymrwymiad rhagorol i wella delwedd y diwydiant adeiladu, gan gyrraedd safonau rhagorol ym mhob agwedd ar y Cod Ymarfer Ystyriol.
Llongyfarchiadau i holl aelodau’r timau prosiect am eu cyfraniad at ennill y gwobrau mawreddog hyn.
