Gyda chyfleuster ymateb i argyfyngau sy’n gweithredu 24 awr y dydd, 7 diwrnod yr wythnos, trwy gydol y flwyddyn, mae tîm Griffiths bob amser yn barod.

Yn ystod stormydd diweddar, darparodd Griffiths beiriannau ac adnoddau ar gyfer gwaith atgyweirio brys i Network Rail ym Mostyn o fewn llai na 24 awr. Achosodd y stormydd, ynghyd â’r llanw uchel a gwasgedd aer isel, ddifrod sylweddol i Fur Môr Mostyn a gwasgaru malurion ar draws y trac.

Pan ddaeth y galwad brys gan Network Rail, bu Griffiths yn symud peiriannau, gyrwyr a pheirianwyr cynnal a chadw i’r safle ar gyflymder aruthrol. Gyda’r gwaith yn parhau 24 awr y dydd, defnyddiwyd 25 o weithredwyr peiriannau ar adegau o’r gweithgaredd mwyaf dwys. Roedd dau beiriannydd cynnal a chadw wedi’u lleoli’n barhaol ar y safle, gyda chefnogaeth ein hadran beiriannau fewnol.