Mae gan dîm Griffiths brofiad amhrisiadwy yn y sector hwn.

Dechreuodd pentref Bow Street yng Ngheredigion, er enghraifft, elwa ar gysylltedd newydd yn sgil ailagor Gorsaf Bow Street, a oedd wedi bod ar gau i drenau ers 1965. Bum deg chwech o flynyddoedd yn ddiweddarach, mae’r prosiect gwerth £8 miliwn – a gymerodd 11 mlynedd i’w gynllunio – o’r diwedd yn gweld yr orsaf yn cael ei hailgysylltu â Rheilffordd y Cambrian rhwng Aberystwyth ac Amwythig.

Yn dilyn agor yr orsaf newydd ym mis Chwefror 2021, dywedodd Ken Skates, y Gweinidog dros yr Economi, Trafnidiaeth a Gogledd Cymru: “Mae hon yn newyddion gwych i deithwyr ac i’r ardal leol. Bydd yr orsaf yn dod â buddion cymdeithasol ac economaidd i’r ardal; ynghyd â’r llwybrau teithio llesol cyfagos, bydd hyn yn ei gwneud yn haws i bobl deithio mewn ffordd gynaliadwy.”